سلام عليكم و رحمة الله و بركاته

اول حاجة يا ريت المشرفين يمسحوا اى كلمة فيها اساءة لدكتور عادل لو سمحتوا و بعد كدة يمسح الجمله دى من مشاركتى
عشان مش من حرية الراى اننا نسىء للي علمنا و لعميد كليتنا

و بجد انا مبسوووووووطة جدااااااااااااااا جدااااااااااا ا دكتور عادل بقى عميد كليتنا

بجد الدكتور دة مفيش دكتور شخصيته حلوة ذيه فى التعامل مع الطلبه

انا مشفتش فى حياتي دكتور مع الطلبه ذى دكتور عادل


دكتور عادل ادانى ف سنه تانيه
و ربنا جعله سبب فى تجميع مجموعتنا

بجد المجموعه بقت مترابطه اوى و خلانا نتجمع و نعمل انشطة سوا و كان بيحاول يحسن من شخصياتنا و بيهتم بينا كاننا ولاده

كان بيسمعنا و يتناقش معانا و ذى ما واحده قالت بيحثنا على عمل الخير و كان اى حد يطلب منه حاجة بيساعده فيها و بيدي الكتب بتاعته هديه لاى حد مش قادر

و هقولكوا على شوية حاجات عملها معانا

احنا كنا فى مجموعتنا فريقين مختلفين كل واحد مننا عامل جروب للمجموعه و عايز المجموعه تدخل عليه
و الجروب اللى انا فيه هو اللى كان مبتدي الاول

اول ما سمع عن الجروب التانى راح قاللنا هتتحدوا سوا و فضل يكلمنا و يشجعنا على كدة

و مش بس قالهالنا بالكلام

كان بيخلينا نعمل حاجات سوا
و كل محاضرة يقعد يطرح علينا اسئلة واحد من الجروب دة وواحد من الجروب دة
و بجد اكتر حاجة جمعتنا انه طلب مننا ننظم ندوة سوا

و عايزة اقولكم ان الحمد لله بفضل الدكتور دة احنا بقينا متجمعين و اتحدنا و عندنا دلوقتى منتدى لدفعتنا و وقت الدراسة بنشجع بعض و بنوفر المحاضرات لبعض و بننزل ملخصات عاملينها بنفسنا و نساعد بعض و نتناقش و نتسلى و متوحدين الحمد لله شوية كويسين من الدفعه من خلاله و عملنا كام رحله و نزلنا مجله اتوزعت على الكلية و بالذات مجموعتنا كل اللى كان حاضر خدهها و نظمنا ندوة تنميه بشرية و ساعدنا ف تنظيم ندوة لدكتور احمد درويش وزير التنميه الاداريه

و دة كله عشان الحمد لله ربنا كرمنا و خلى د - عادل يدينا


غير معاملته الجميلة

لازم لما نكلمه يدينا بمبونى .. هى حاجة بسيطهه بس بتدي شعور جمييل اوى

و مرة كنا رايحينله المكتب و كان عنده حفله خدنا معاه

و استقباله لينا فى مكتبه اكنه بيستقبل دكتور مش طلبه و يعاملهم وحش بقى و مش فاضيلكوا و حتى لو مش فاضي لازم يسلم علينا و يقوللنا معلش عندي كذا

و عايزة اقولكوا كفايه مثال يدل ان مفيش دكتور بيتعامل بطريقته الحلوة انى جالى الحصبه الالمانى و انا ف سنه تانيه و غبت عن الكليه 10 ايام اتصل بيا فيهم مرتين هو شخصيااا يطمن عليا و برضه مرة اغمى عليا و مقدرتش اجى اتصل بيا و ساعت الحصبة دى كمان قال لكل الدفعه لازم تسالوا على زميلتكم و تشوفوها عايزة ايه و تطمنوا عليها

بجد بقيت الاقى التليفون بيتصل بيا بنات تقريبا معرفهمش ابدا خدوا نمرتى من اصحابى و كلمونى و حسيت بجد انى مبسوطة و الناس كلها بتتطمن عليا و كل واحدة تعرض عليا مش عايزة اى حاجة .. و بقى عندى المحاضرات مكتوبة و صوت كمان

و الله لو قعدت احكي مش هخلص

بجد دكتور انا بعتبره ذى بابا بجد لانى مشفتش دكتور اخلاق و ادب و ذوق فى التعامل ذيه

فبجد الف مبرووووووووك لينا احنا كطلبة تجارة ان هو عميدنا

لان باذن الله لو فكرتوا هتلاقوا ان شخصية ذى دى هتفيدنا بجد كطلبه

مش هيبقى عميد نخاف نكلمه .. هيبقى قريب مننا و ييسمع مشاكلنا و اقتراحاتنا ان شاء الله



و ملحوظة .. انا جايبة معاه درجة بالنسبالى وحشه .. بس الى حد ما استاهلها لانى فى الامتحان كنت متوترة و مكنتش بحب المادة اوى مع انى كنت ذاكرتها كويس و كانت صغيرة بس الحمد لله على كل شىء

و الف مبرووك تانى ان عميدنا هو د..عادل مبروووك