بسم الله الرحمن الرحيم
انا اختكم في الله عضو جديده في المنتدى وانا اسفه ان اول مشاركه ليا تكون كده بس انا فعلا محتاجه مساعده منكم
انا مصريه عايشه بره مصر طول عمري ولما خلصت ثانويه عامه بمجموع عالي 96% ورجعت مصر وعملت مستوى رفيع رفعت النسبه 97ّ% وعملت التنسيق جالي تجاره اسماعليه طبعا اتصدمت في الاول عشان انا فعلا تعبت اوي في ثانويه عامه وكان نفسي ادخل هندسه او حاسبات ومعلومات بس رجعت حمدت ربنا وقررت اني احاول اعمل حاجه في كليتي واهلي سافروا وفضلت قاعده عند ناس قرايبي وبعدين حصلي مشاكل كتير في الكليه كانت نتيجيتها اني طلعت بماده
انا دلوقتي رجعت السعوديه تاني وبابا مش عايز ينزلني مصر تاني الا قبل امتحانات نص السنه باسبوع بالكتير
وانا كده ممكن انجح بس اكيد مش هجيب تقدير يرفع الماده اللي انا شيلاها
والمشكله اني عندي امتحانات ميت ترم وعليها 5درجات من المجموع وبابا مش عايزني احضرها
انا مش عارفه اعمل ايه وحاسه اني شايفه مستقبلي بيضيع قدامي ومش عارفه اعمل حاجه
ومستحيل اي حد يقدر يقنع بابا اني انزل مصر حتى لو كان على حساب تعليمي الجامعي اصلا
ارجوكم ساعدوني اعمل ايه وفي احتمال اي حد يقدر يجيبلي الكتب والمراجع ولو عن طريق الفاكس او الانترنت
ارجوكم والله انا محتاجه مساعده جدا
انا اسفه اني طولت عليكم ارجوكم تسامحوني بس والله انا حاسه اني ضايعه وبتعلق باي امل ممكن يرجع مستقبلي اللي شايفاه بيدمر قدامي
ممكن اكون مبالغه شويه بس انا فعلا مش قادره اضيع حلم حلمته طول عمري
انا بعتبر نفسي اختكم وبعتبر كل اللي في المنتدى اخواتي
ولو في اي حاجه ممكن اساعد بيها اي حد انا مستعديه بس اهتموا بموضوعي

ربنا معاكي يا حبيبتى

بس انتى طب فى سنه كام .. و هو انتى فى انجلش ..صح مش كدة ؟؟

لاننا معندناش ميد تيرم

بصي اول حاجة اقولهالك اتطمني ان ان شاء الله ما دام عملتي اللى عليكي متزعليش و ان شاء الله كله خير

و انتى لو مجموعك جابك لتجارة مش حاجة تانيه فمتزعليش و تجارة فعلا لذيذه اوى بس حاولى تحبيها


و انا عندي فكرة ليكى

الحمد لله دلوقتى الاتصالات سهله اوي

شوفي حد من قرايبك او لو ليكى اصحاب فى مصر و خليهم عن طريق النت يبلغوكي بالاخبار و يرفعولك الكتب بالاسكنر و تذاكرى على النت

و شوفى المجموعة بتاعتك او السنه بتاعتك احتمال كبير يكون ليهم جروب او منتدى او بيدخلوا على الموقع هنا و اكيد ان شاء الله هتلاقى حد من المجموعة بتاعتك على النت تعرفي منهم اخر الاخبار و الملغى و المقرر و كدة

و ربنا يوفقك يا حبيبتى

سلاااااام علييكم و رحمة الله و بركاته

[size="4"][/size]بســم الله الـرحمــن الرحيــم اولا شايف انك واخدة الموضوع على اعصابك زيادة انا رايى ان هناك حلين الاول زى ما قالت الزميلة تحاولى تجيبى ورقك عن طريق قريب اوما شابة والتانى انك فى الاول والاخر بتتعاملى مع والدك مش مع حد عدو ليكى عايز يدمرك انا رايى بشوية من الهدوء وتحاولى تتكلمى مع والدك اكتر ولو مفيش امل شوفى حد من القريبين لية وعموما ماتقلقيش عمر ما كان الحضور عندنا مقياس المهم انك تذاكرى انا بكالوريوس السنة دى وما بنزلش الا فى الا متحانات وبالنسبة للمائة ترم دة المفروض انة فى منزلة الامتحان لو مرديش يبقى هو بقى مع احترامى لة وجة نظر تانية فى مستقبلك ..مع تمنياتى بالتوفيق فى كل الحالات ...

بصي هو برضه متزعليش من باباكى هو اكيد دة كله عشان من حبه الشديد ليكي خايف عليكى

و ذى ما قالك nantsun حاولى بهدوء تتفاهمي معاه و صلي قضاء حاجة قبل ما تروحي تكمليه و ان شاء الله تتوفقي فى الكلام معاه

و لو موافقش يبقى ان شاء الله دة خير ليكي ما دام سعيتى و عملتى اللى عليكى

و اهم حاجة فعلا متزعليش نفسك و خدي الحياة ببساطة لان الدنيا متستاهلش نزعل نفسنا اوى كدة علشانها

المهم نكون عاملين فيها اللى علينا عشان ربنا يرضى عننا فيها

و فى مقولة جميلة لواحد بيقول علمت ان رزقى لن ياخذه غيرى فاطمأن قلبى

فانتى رزقك مكتوبلك

و ان شاء الله لو مكتوبلك تتخرجى و بتقدير حلو هتتخرجى بيه مهما حصل

و لو مكتوبلك العكس و بتحضرى كل المحاضرات هيحصلك العكس

فانتى اسعي بكل اللى تقدري عليه و سيبيها بقى على ربنا و اللى كاتبهولك اكييييييييد هو الخير يا قمر

ربنا يوفقك و يكرمك فى الدنيا و الاخرة و تكونى من المتفوقين
سلااااااااام علييكم و رحمة الله و بركاته

انا بجد متشكره جدا لكل اللي رد عليا وانا ان شاء الله هحاول اكلمه
بس ادعولي

ربنا يوفقك ان شاء الله