السلام عليكــم ورحمـة الله وبركاتــة ،،

طبعا باين من الموضوع

النهاردة انا جايب مشكله بقالى اسبوع بفكر فيها

وهى

أنا أحد أصدقئنا يحكى ...

أأنه أحب بنت حبا شديدا .... لدرجة أنه ذخب وصارحها بحبه له

فوجد صدا من البنت لانه لم يخلص بعد

ولكن البنت لم تكن تصده ولكنها لم تريد ان تقع فى محرم وانت تعف نفسها

رغم حبها لهذا الود فلم تعطه بال ... واعتبر الولد هذا الصد عدم قبول

طبعا دا حاجات حصلت فى شهور ودا اختصرها

اللى حصل ان الولد دا خلص ... واعجب بفتاه ثانيه .. وأحبته واحبها


وهم ع خطبتها ... ولكنه فى يوم راى البنت الاولى

فوجد انه مازال يحبها ... وسمح له الموقف أن يكلمها .. فكلمها

وحكى لها ما حصل له .. وما تعرض له من الم فرقها ...

فتعجبت البنت وشرحت له وجهة نظرها المتعارضة مع فكرته فى انها كانت تبادله ولكنها لم تكن تريد أن تعصى ربه

علما بان البنت لا تعلم بانه يحب بنت اخرى وسيقوم بخطبتها

فتوقف كل شىء ... وتوقفت علاقته بالبنت الاخرى

واحس بأنه قد ظلمها ... لانه يحب الثانية جدا

ويريدها هى ...........................

فماذا يفعل

يارب تكونوا فهمتونى ...........

وياريت نشوف حل

انا عن نفسى معاصر المشكله ولكنى مشلاقى خالص

فيلا

عاوزين الخبراء
د

لأ مشكلة عويصة فعلا

اقولك يا دكتور ما تخليك محضر خير

وتقوله يسيبه من الاتنين


وانا اقولك عنوان بتنا


سهل على فكرة ميتوهش



لأ بجد انا شايفه انو يقعد مع نفسه شوية ويحدد هو عاوز مين

يعمل بقول الشاعر


قلب فؤادك كيف شئت من الهوى

ما الحب إلا للحبيب الاول


ولا يشوف انهى فيهم اللى صفاتها أحسن واللى توافق صفاته اكتر


ومش هقول يستخير لأنو اكيد طبعا عمل ده


بس لازم كمان يستشير اهله

يعرفهم الاتنين وصفات كل واحدة فيهم

وان شاء الله يساعدوه

وربنا يقدم له اللى فيه الخير

عفوا تكرر الرد

..........

حضرتك دلوقتى بتقول انه لما قابل البنت اللى كان بيحبها فى الاول عرف انه بيحبها هى ..
فلو خطب التانيه و هو جواه المشاعر دى كده حيظلمها ..

يعنى هو اكيد بيقول انا ارتبطت معاها بكلمه .. و لازم التزم بيها .. عشان مالهاش ذنب
بس لو عمل كده يبقى هو بيظلمها اكتر .. و حيعذبها معاه ..

فاقل الضررين انه يسيبها .. و تتألم هى لفراقه دلوقتى .. احسن من انها تتألم عشان مش سعيده معاه ..

و مادام هو شايف سعادته مع البنت الاولى .,., يبقى يتوكل على الله ..

بس اهم حاجه انه يكلم البنت التانيه بطريقه مش تجرحها .

يعنى مش تحسسها ان فيها عيب او غلط لان ده مهم اوى لحياتها بعد كده

عشان مش يبقى موت و خراب ديار زى ما بيقولوا .. يبقى سابها و دمرها للابد

يكفى انه يجيب الغلط فيه هو و السبب من عنده ..

بلاش طبعا يقولها بحب بنت تانيه و الكلام ده

برضه بلاش يحسسها انه اتخلى عنها قبل الخطوبه مثلا

او انها حركه نداله من الاخر ..

و ربنا يصبرها .. و يرزقها خيراً منه

و يوفقه للى فيه الخير

يا دكتور

هو يستشير مامته

وهي هتدله

قلب الام بقى

أختنا الدرعمية


حاضر يا فندم

فعلا هو بيستخير كتير اوى

وان شاء الله خير

بس اللى عاوز اوصله ان خلاص مش عاوز التانيه

وزى ما قالت أختنا هارت

انه ميجرحاش طاب ازاى

وهى مش بتتسيبه وبتسأل عليه دايما ولو اتغير بتتعب جدا

أختنا الروميساء

منورنا

فعلا قلب الام

بجد يا جماعه

المشكله ازاى

أنه عاوز يسيب التانيه من غير ما يجرحها او يجرح كرامتها

وعاوز يخلص للأولى اوى ... لانه فعلا بيحبها ؟؟؟


صعبة صح

بس نحاول نفكر تانى

مش صعبة ولا حاجة

بص هيروح للتانية يقول لها الجواز قسمة ونصيب

وخلاص

زي ما بيحصل في الأفلام كده



بس لما هيروح للأولانية وتعرف إن كان في بنت تانية مش هتوافق

بص يا دكتور هاحكي لحضرتك حكاية صحبتي

كانت مخطوبة لواحد

واتعلقت بيه جداااااااااااااااااااااااااااااا

فوق ما تتخيل

وفجأة مبقاش يزورها

ولا يتصل

ولا يرد على الموبايل

منفضلها منفضلها يعني

وبعدين صاحبتي دي عاشت ايام ربنا ميحكمش بيها على حد

والله كانت الدموع مبتفارقش عنيها لانها حاسة انه جرحها

وبعدها زارها وقالها احنا مش لبعض وكلام الافلام العربي ده

وخلاص الموضوع خلص

بعد الحكاية دي بشهر اتقدملها واحد تاني

واتجوزوا وهي دلوقتي طاااااااااااايرة بيه مالفرح

وماشاء الله ربنا يحميهم ويسعدهم

القصد

لو اتجرحت

هتعيط يوم
اتنين
تلاتة
شهر

وهيجيلها نصيبها وتفرح بيه ويعيشوا مع بعض اجمل حياة فعلا

لكن لو صاحبك استجدع معاها واتجوزها

هيعيشها حياة مهببة صدقني

لانه مش هيفارق باله انه ضحى بحبه عشانها ولو حصلت واتخانقت معاه هيذل انفاسها

وهي مش هتحس انها سعيدة معاه لان دماغه هتبقى في حتة تانية

ده غير ان البنت الاولى هتتعذب هيا كمان

يعني ليه يحي بنفسه وبنفسها

انا رايي اننا نضحي بالام والجنين عشان الدكتور يعيش

لا بجد

مش هتبقى اخر الحياة بالنسبالها

وهتتجوز وهتتستت وهو هيتجوز البنت اللي هو عاوزها

والدنيا هتمشي حلو اوي

ونتحاسب بعد الجواز

فعلا دا الحل يا د.روميساء

د.سمسم منورنا

بس يا فيت

المشكله انه مش هاين عليه انه يجرحها

بس فعلا دا الحل

يا اخ ابو انوس ..

مفيش حل غير انه يسيبها و فى جرح طبعا

بس حتبقى الفكره كلها فى عمق الجرح

يعنى كفايه انه حيجرحها لما يسيبها

بس المشكله انه مش يحسسها ان العيب منها

يجيب الغلط فيه هوا

عشان تقدر انها تثق فى نفسها بعده

و يختار كلماته بعنايه ليها انه يعرفها انهم خلاص كده

و ان الجواز قسمه و نصيب و انه مش حيقدر يسعدها

بس زى ما قولت لحضرتك بلاش خالص انه يجيب سيره بنت تانيه

لانه كده حيديها احساس بالنقص

يا دكتور فى الحالتين فى قلب من التلاته هيتجرح


فميش حل


المهم انو يشوف نفسه بقى عاوز ( بجد) مين


ويتأسف للتانية


عارف أنا كنت المفروض انى اتخطب من قريب لابن خالتى

لكن والدى رفض


وكان ابن خالتى صعبان عليا اوى

سيبك بقى من انى اقف قصاد بابا واقول عوزاه والكلام ده

الكل اقنعنى انه مينفعش ليا ولأولادى فيما بعد

ولما قلت لأختى انه صعبان عليا والحوارات دى

قالتلى انه هتخدى واحد تطبطبى عليه

دا مستقبل وحياة واولاد

مش عشان صعبان عليكى تتجوزيه


فمش عشان هو بيحترمها وبيعزها ومش عاوز يجرحها يفضل معلقها كده

وانت بتقول انها بتتصل بيه وتسأل عليه

كده بقى اسمحلى الظلم بعينه


خليه ينهى الموضوع ويخلص

ويخلص البنت المسكينه من الانتظار وصدمة واجعه بعدين

تتوجع دلوقتى احسن من بعدين على رأى هارت

والله دا اللى انا بقوله

يعنى كلنا متفقين انها كده كده هتنجرح

يلا اتجوزها انا بقى

ع حسناء

أيونن

مثنى وثلاث ورباع

الف مبرووك

هي مشكلة صعبة فعلا بس مش آخر الدنيا


هو دلوقتى واقع في حيرة مش عارف يعمل ايه مابين قلبين حبوه قلب منهم كان بيراعي ربنا وبتحاول انها ماتزعلش ربنا منها وقلب تانى حبته واتعلقت بيه يعنى هو فعلا في مأزق بس بصراحة عجبنى الرأي اللي كلكوا أجمعتوا عليه اللي هو يبقى جرح دلوقتى لمدة شهر او سنة حتى ولا جرح ومعاملة ممكن تكون سيئة طول العمر للبنت التانية هي متستاهلش كده هو ممكن يجرحها جرح صغير دلوقتى بس مايموتهاش بعد كده هيبقى فعلا حرام عليه ..

هو بقى لازم يعمل حاجة تانية يشوف مين اللي هتقدر تتفاهم معاه أكتر في حياته بعد كده اصل الحب مش هو أساس الجواز الصحيح في حاجات أعمق من كده منها الاحترام المتبادل بين الطرفين الود بينهما الراحة وكده لازم يعمل استخارة تانى ماينفعش يجرى ورا قلبه وبس لازم يفكر بعقله وقلبه مع بعض يشوف مين المناسبة ليه اكتر من كل المقاييس مايخليش قلبه هو المقياس الوحيد لازم يوزنها صح .......................

كلكم بتقولو انه يسيب البنت التانية بشكل مايجرحش مشاعرها .. وانا متفقة معاكم برده في كده لكن في نفس الوقت بفكر ممكن تكون البنت التانية هي انسب ليه من نواحى تانية والله أعلم ..

هو لازم يستعين بربنا في حاجة زي ده اكيد ربنا هيبينله مين الاحسن والافضل في حياته بعد كده من خلال موقف او اي حاجة تدله على الطريق الصحيح


بس اهم حاجة مايكونش القلب هو المقياس الاول والاخير لازم يبقى فيه مقاييس اخرى يحاول يوصل للقرار المناسب من خلالها وربنا يكرمه ويوفقه للخيار اللي يوصله لحياة سعيدة................

يالاهوى تتجوز على حسناء ده معقول ده الرجالة ملهاش أمان بقى

انا مش موافقة على لعب العيال ده على فكرة

مش فاهمة ليه لما يحب واحدة ما يخبي في قلبه لحد لما يبقى قادر لى خطبتها ويروح يخطبها من اهلها
بدل حوارات ما راح قالها وهيا رفضت وهيا عندها حق طبعا كانت عايزة تعف نفسها وهوه يحب واحدة تانية وحاجات اخر لخبطة :S

السلام عليكــم ورحمـة الله وبركاتــة ،،


انا اول مرة اشارك في الساحة هنا

بس فعلا فيه مواضيع عجبتني كتيرة قوي


واكتر حاجة شدتني هو موضوع ابو نواس


هو مش عشان موضوع حلو


لكن عشان انا بشوف ابو نواس منورنا كتير في ساحة اسنان



لا بجد ابو نواس عضو انا بحترمه جدا وبحبه جدا جدا


المهم خلينا في المشكلة العويصة اللي هو فيها


بص ياسيدي انا ليا راي مختلف شوية لا هو شويتين

انا شايف ان صاحبك بيمر بمرحلة حرجة

ممكن مشاعره في الفترة دي بتكون بتخدعه

يعني انا شايف انه ممكن يكون هو بيحب الانسانه التانية اكتر بس لما قابل الاولى تذكر الماضي

وحب يرجعلها تاني مش اكتر والعكس اكيد صحيح

انا عندي حل صغنطوط كده على قدي

انا شايف ان صاحبك محتاج يقعد مع نفسه شوية ويبعد عن الاتنين

يعني يعزل نفسه عن الاتنين تماما

ويبدا يفكر بعقلانية شويه بعيدا عن العواطف

صدقني بجد انا متاكد انه بعد الفترة دي هيطلع بقرار حاسم

وفي الاخر زي مبيقولو الجواز قسمة ونصيب

وربنا معاك ومعاه

مش يمكن يكون بيحب واحدة تالتة خالص غيرهم هما الاتنين

مش عارفه ..

هو مش فكرت انه بيحب الاولي او التانيه

فكرت ان دايما كرامتنا بتبقي عايزه الانسان اللي جرحنا يبقي في ايدينا يرجعلنا ونفوز بيه ارضاء لكرامتنا مش لقلبنا

يعني نفترض انه كان اتجوزها دلوقتي كان هيعمل ايه هيطلقها ولا هيتجوز عليها لمجرد انه شاف الاولانيه يعني ؟؟!!

انا شايفه انه عايز الاولانيه علشان كان فاكر انها رفضته وطلعت بتحبه لانه كان سعيد قبل مايشوفها

بخمس دقايق او يعرف الحقيقه انها كانت بتحبه

والتانيه بتحبه ودايما الانسان لما يحس ان في حد بيحبه في ايده بيبقي سهل انه يضحي بيه

ولو ماحصلش نصيب يبقي يرجعلها مفيش مشكله

مش عارفه هي صعبانه عليا اوى بجد بس ماينفعش تكمل معاه لمجرد تفكيره انه يسيبها ويرجع للاولي

ربنا يرزقها بانسان يحبها بجد

وهو بقي بجد يحاول يدعي ربنا يسمحه

السلام عليكــم ورحمـة الله وبركاتــة ،،

استاذ ابو انوس دايما حلال المشاكل و دايما بيحب يساعد

. . بس طب ليه تتجوز على حسناء مش حرام عليك

لو عملت كدة انا هاقولها تجيب ساطور و اكياس . . وانت عارف بقى الباقى هه


. . طبعا بهزر لو انت عملت كدة انا مش هاقولها طبعا تجيب ساطور و اكياس . . انا اللى هاجيبهم لها

. . المهم خلينا فى الموضوع

انا رأيى من رأيى مانجايا و ميرو

المفروض انه ما يجريش ورا مشاعره . . لإن ممكن مشاعره دى تكو ن مش صادقة . . ممكن قوى تكون ألاعيب و حيل من الشيطان علشان يشتته بيها و يخليه متردد و مش عارف يعمل ايه فيختار غلط فى النهاية

انا مش بقول ان البنت الاولانية اختياره ليها هايكون غلط ولا حاجة . . بس مش يمكن فعلا زى ما مانجايا بتقول تكون التانية هى الانسب ليه

ومش يمكن فعلا يكون احساسه ناحية البنت الاولانية دا احساس مش حقيقى وهو بس مجرد بيحن للماضى ولقصة الحب القديمة و حس بنشوة لأنه شافها و افتكر ايامه معاها

مجرد احساسه بالفرحة لإنه شاف الماضى بيعيد نفسه قدامه و بنفس اللى كان هو عايزه زمان ان البنت دى تحبه زى ما هو كان بيحبها مش كافى علشان اصنفه على انه حب حقيقى

ممكن فعلا يكون زى ما شيرى قالت يكون ده احساس بالفرحة لإنه هايستعيد كرامته من جديد و اللى هو ما كانش طايله زمان أصبح خلاص هايطوله

الأحسن انو يبعد مدة كبيرة عن الاتنين

و انو يستغل المدة دى فى انو يستخير الله كتييييير حتى يستقر تماما على مين اللى هايكمل معاها بقيت حياته

وطبعا ما ينساش ينحى قلبه جانبا بعيدا علشان عواطفه ما تسيطرش عليه و يفتكر انو مادام لسة قلبه متعلق بالأولانية يبقى هى دى جواب الاستخارة

يحاول ما ينساقش و را العواطف

ولو طلع انو فعلا مرتاح ناحية الاولى أكتر يبقى بطريقة دبلوماسية ما تجرحش مشاعرها يحاول يعتذرلها بهدوء يعنى مثلا ممكن يقولها : ان كل شىء قسمة و نصيب وانتى اكيد ربنا هايرزقك بواحد افضل منى بس انا حاسس انى هاظلمك معاى لأنى بجد ما استاهلكيش فعشان كدة مش هاقدر اكمل معاكى

بس ما يجيبلهاش اى سيرة عن البنت التانية خالص زى ما قالت هيرت


ولو سابها هى هاتزعل اكيد و الزعل هاياخد وقته معاها برضو اكيد

. . بس صدقنى ماحدش بيموت م الحب

واكيد ربنا هايرزقها بواحد افضل منه ان شاء الله

السلام عليكــم ورحمـة الله وبركاتــة ،،

دكتور أبو أنوس هي فعلا مشكلة صعبة

في رأيي إن الأفضل إنه يخطب البنت الأولى

لأنه لو كان بيحب البنت اللي هيخطبها _التانية _مكنش حاول يكلم الأولى من تاني

كونه يكلمها تاني دي معناها إنه عايزها هي ومش عاوز غيرها

بس حضرتك موضحتش حدوده مع البنت التانية وصلت فين ؟؟؟؟؟

يعني هو كلمها فعتلا وحدد معاها معاد

ولا كلم اهلها وكلام كبير من ده

ولا لسه الموضوع بينه وبينها

بأي حال من الاحوال رأيي إنه يحسم قرارع بالحاجة اللي تريحه في المستقبل

يعني ياما ناس بتتخطب وبعدها بيكتشفوا إنهم مش قادرين يكملوا

وكل واحد بيتخطب او يخطب حد تاني وبيكملوا حياتهم

من الآخر احنا لسه فيها _أحسن من إنه يتزوج ويكتشف إنه مش قادر ينسى حبه الأول

ويستخير طبعا قبل كل حاجة ويبقى عنده قناعة باللي ربنا هيختاره

وربنا يهديه للخير

دكاترتنا

مانجايا ... ثانكس جدا

فلوانا .... أسف لو الاسم غلط

ميرو ... منورنا يا حبى ... بس أبو أنوس

شيرى .... براحة ع الواد دا هو متعذب جدا والله

د.مهمومه ... جزاكى الله كل الخير .... وشكرا ع شنطة السكاكسن دى

د.شهيدة .... هما كانوا خلاص فثوة وهيتقدم

ع العموم جزاكم الله خير اوووووووووووووووووووووووول دكتور

هو مش انا دكتوره و لا ايه

مين مقالش كده

لا طبعا إنتي دكتورة وست الدكاترة كمان

بص ياابو انوس
الموضوع سهل اوى
انه بيخاف يجرح مشاعرها دا كويس
بس انه ينهى حكايته مع التانيه ويسيبها الوقت
احسن ما يرتبطو (يتجوزو يعنى) وتكتشف انه مش بيحبها
وانه بيفكر فى غيرها
فهى هتعيط يوم ولا حاجه والموضوع هيزول بالزمن
انما لو حصل بعد الزواج فعمره ماهيتنسي ابدااااااا
فالافضل انه يصارحها بمشاعره قبل اى حاجه وهى هتقدر كلامه كويس
والاولى عمره ماهتزعل منه علشان بتحبه بجد
وانها السبب فى انه يفهمها غلط
واللخ الموضوع هينتهى بسهوله لو عمل كده
الكلام الحقيقى اللى بيكون من القلب بيتفهم بسهوله

د.هارت منورنا والله انا مش نسيتك لا دا الكيبورد

دمعه

موافقك فى كلامك

ثانكس جدا ياشباب

انا والله عاوزة اشارك فى حل المشكله ده معاكم بس بسم الله ماشاء الله

كل الردود ذى مانا هقول واحسن كمان ربنا يكرمك لارشد الامور ويسرلك كل عسير

اسفه لعدم مشركتى بس اعوضها فى مشكله تانى ........بهزر ربنا ميجبش مشاكل ابداً

موضوع صعب أوووووى
بس انا عندى رأى انه بدال مش قادر ينسى حبه الاول
يبقى عمره ما هيخلص لحبه الجديد
بالعكس ده كمان هيعذبها معاه ودة حرااااااااام!
وكمان لوسبها هيجرحها أووووووووووى!
تخيل انا زعلت اصلا انى كتبت فى الموضوع دة
انا مش عارفة اظلمه و لا اجرحها
وكمان مش هاين عليا انى احرم 2 بيحبوا بعض من حياة سعيدة

والله انا راى انه يتكل على الله ويتجوز ال الاتنين
وبارك الله فيما رزق على كده






بس بجد يا كتور انا اتعلمت من مواقف كتير فى شتى مجالات الحياه
اى ما كان الصدق كان النجاه
فهو يشوف هو مستريح لمين اكتر
ويصارحها ويصارح التانيه
برده
بجد الحقيقه بتريح رغم انها فى اوقات كتير بتبقى مرة بس بتريح
وربنا يرزقه ويرزقك ويرزقنا جميعا الزوج والزريه الصالحة