فى قديم الزمان، حيث لم يكن على الأرض بشرٌ بعد ....
كانت الفضائل والرذائل.. تطوف العالم معا..و تشعر بالملل الشديد....
ذات يوم... وكحلٍ لمشكلة الملل المستعصية...اقترح الإبداع.. لعبةَ.. وأسماها الإستغماية.

أحب الجميع الفكرة، و صرخ الجنون: أريد أن أبدأ.. أريد أن أبدأ...


أنا من سيغمض عينيه.. ويبدأ العدّ... و أنتم عليكم مباشرة الاختفاء....

ثم أنه اتكأ بمرفقيه..على شجرة.. وبدأ... واحد... اثنين.... ثلاثة....

و بدأت الفضائل والرذائل بالاختباء..

وجدت الرِقة مكاناَ لنفسها فوق القمر..

و أخفت الخيانة نفسها في كومة زبالة...

دلف الولع... بين الغيوم..

و مضى الشوق إلى باطن الأرض...

الكذب قال بصوتٍ عالٍ: سأخفي نفسي تحت الحجارة.. ثم توجه لقعر البحيرة ..

و استمر الجنون: تسعة وسبعون... ثمانون.... واحد وثمانون..

خلال ذلك، أتمت كل الفضائل والرذائل تخفيها... ماعدا الحب...

كعادته.. لم يكن صاحب قرار... وبالتالي لم يقرر أين يختفي..

و هذا غير مفاجئ لأحد... فنحن نعلم كم هو صعب إخفاء الحب..

تابع الجنون: خمسة وتسعون....... سبعة وتسعون....

و عندما وصل الجنون في تعداده إلى المئة

قفز الحب وسط أجمةٍ من الورد.. واختفى بداخلها..

فتح الجنون عينيه.. وبدأ البحث صائحاً: أنا آتٍ إليكم.... أنا آتٍ إليكم....

كان الكسل أول من أنكشف...لأنه لم يبذل أي جهدٍ في إخفاء نفسه..

ثم ظهرت الرقّة المختفية في القمر...

و بعدها، خرج الكذب من قاع البحيرة مقطوع النفس...

و أشار على الشوق أن يرجع من باطن الأرض...

وجدهم الجنون جميعاً.. واحداً بعد الآخر....

ماعدا الحب...

كاد يصاب بالإحباط واليأس.. في بحثه عن الحب... حين اقترب منه الحسد

وهمس في أذنه: الحب مختفٍ في شجيرة الورد!!

التقط الجنون شوكةً خشبيةً أشبه بالرمح.. وبدأ في طعن شجيرة الورد

بشكلٍ طائش و لم يتوقف إلاّ عندما سمع صوت بكاءٍ يمزق القلوب...

ظهر الحب.. وهو يحجب عينيه بيديه.. والدم يقطر من بين أصابعه...

صاح الجنون نادماً: يا إلهي.. ماذا فعلت؟..

ماذا أفعل كي أصلح غلطتي بعد أن أفقدتك البصر ؟...

أجابه الحب: لن تستطيع إعادة النظر لي... لكن لازال هناك ماتستطيع فعله لأجلي...

كـُن دليلي..

و هذا ماحصل من يومها

يمضي الحب الأعمى... يقوده الجنون








فهل توافق على الراى الذى يقول ان الحب اعمى
يقوده الجنون ؟؟؟؟؟؟؟؟؟

بجد الموضوع رائع يامحمود تسلم ايديك
ياباشا



انا اوفقك الراي تماما


ومنتظرين المزيد

ميرو متشكر اوى على مرورك الكريم
بس كان نفسى اعرف رايك
وراى باقية الاعضاء
اما عن راى ففى النهايه

ماشي يامعلم




انا شايف ان التصوير فعلا اكثر من رائع



لان فعلا الانسان اللي بيحب

بيكون بالظبط زي الانسان الاعمى


مش شايف اي حاجة قدامه



غير حبيبته





لكن اذا ابتعد عنها

هيشوف حاجات كتيرة جدا هو مكنش شايفها

واسال مجرب

اما من ناحية يقوده الجنون دي بترجع للشخص نفسه

على حسب مدى قوة شخصية الفرد ومدى تحكمه في نفسه


تسلم ايديك يابو علي على الموضوع

ماشاء الله ماشاء الله
بجد كلمات وتصوير لها اكثر من رائع
هو الحب مش اعمى بس اللانسان هو اللى بيخليه اعمى
لان الانسان بيشوف كل عيوب اللى بيحبه بس بيعمل نفسه اعمى
بيتغاضى عنها بمعنى اصح
وممكن فى بعض الحالات بيكون الجنون هو من يقود الحب
لان فى حب مرضى وحب السيطره والتملك والانانيه وغيرها من المسميات هى حب مرضى
ممكن يدفع الانسان الى الجنون او ارتكاب افعال جنونيه
بس الحب مش اعمى احنا اللى بأدينا نخليه يبصر
ولو كل انسان استطاع ان يساعد الطرف الاخر فى تصليح عيوبه او جزء منها
بدل التغاضى عنها مكنش اتقال عن الحب انه اغمى
بس احنا منحبش نقول عيوب الطرف التانى الا بعد فوات الاوان
موضوع بجد والله عجبنى اووووووووى
والكلمات كمان

بعد القصه الهايله ديه يبقا فعلا الحب الاعمى يقوده الجنون

انا موافقه جداا..

انا متفق معك فى الرأى تماما

انا هتفق فى جزء وهختلف فى جزء


الحب فعلا اعمى


لكن انه يقود للجنون دى لا هتحددها شخصيه اللى بيحب اذا كان بيمشى ورا عقله ولا ورا قلبه ولا عامل توازن بين الاتنين

يااااااااااااه انا كنت نسيت الموضوع ده
وقدرا بعمل بحث فى جوجل لاقيته طالعلى


ماشي يامعلم




اولا تسلم ياميرو على تعليقك الجميل
وحتى الانسان الى بيحب لو كانم مش بيشوف غير حبيبته
برده مش شرط انه يبقى متبع الجنون

بجدا وجهة نظر تحترام ونقول عليها برافو
وجميل تواجد ومرورك الجميل يا دمعة

شكرا لمرورك الكريم
وشكرا على رايكم














وان كنت لى وجه نظر اخر للموضوع





تتلخص فى ان الحب ليس باعمى
وليس محتاج الى احد ليقوده
فان الحب يقوده الاحساس والشعور والعطاء والموده والرحمة
وليس بحاجه لان يقوده الجنون



والحب ليس باعمى اطلاق

ولكن اختلط الامر علينا
وده لان المحب يرى الحبيب فى صورة كامله ويتغاض عن عيوبه تمام

ولذلك اعتقد الناس انك عندم تحب فتتغاضا عن عيوب حبيبك انك عميت عنها
فان الحب من اعماك


ولكنها ليس الحقيقة

الحقيقه اننا من نعمى الحب
ونقوده بالجنون بدافع انك تحب

ولكنها ليس هذا توكل الكتف


فاننا من عمى الحب عندما نترك احاسيس وشعور يتحكمون فى انسان
دون حاكم وحارس وناقض وهو العقل




منتظر تعليقاتكم الجميلة فى المناقشة

هل للجمله دى معنى تانى غير انه يبقى اعمى

طبعااااااااا
د يتغاض عن عيوبه هنا بمزاجه يعنى بيبقى
عارف عيوبه وشايفة بس عامل نفسه عبيط يعنى مش واخد باله
فبكده ميكنش اعمى بس بيشوف الى على مزاجه
ويطنش الى على مزاجه

بجد رائع الكلام اللي قولته يامحمود ربنا يكرمك يارب

السلام عليكم موضوع حضرتك تحفه بجد ربنا يكرمك يارب

تصوير جميل وانا ليا رد تانى على الحب الاعمى قريبا بأذن الله

ربنا يوفقك

ربنا يكرمك يا ميرو ده من زوقك ياجميل





مستنى عودتك اكيد طبعااا ياامى الى اكيد هتفدنا كلنا
ومرسى على مرورك الكريم وثنائك الجميل

موضوع أكتر من رائع يامحمود وتسلم إيدك

وانا بتفق مع الأراء اللي قالوا ان الحب مش أعمي ولكن من يحب لايري غير مميزات حبيبه ويبتعد تماما عن عيوبه

ولايراها إلا بعد فوات الوقت ومن وجهة نظري أن الحب فعلآ ليس بأعمي نحن من نجعله كذلك

بتغاضينا عن عيوب من نحب ، كلنا بشر ولنا عيوب والكمال لله وحده

ولذلك أدعوكم لأن يكون حبكم بعينين مفتوحتين تري فيها الشخص الذي تحبه بعقلك وبقلبك

تعرفة تماما وتقبله بعيوبة وتكون قاردآ علي إستحمالها أو محاولة تغييرها وبهذا يكون الحب غير أعمي ويكون أقوي ألف مرة من الحب

الذي يتغاضي طرفاه عن عيوب كل منهما وأقدر علي الإستمرار.

بالتوفيق ليكم جميعآ

وسنة دراسية سعيده وكل سنة وانتم طيبين

الله يكرمك يا نورهان
وحمد لله على سلامتك بعد الغيبة الطويله دى
يارب المانع يكون بخير